無時間做運動?呢個可能係好多香港人遇到嘅問題。
但同你講一朝早做運動可能你又會卻步,
不過你又知唔知朝早做運動有咩好處?
睇完可能會改變你做運動嘅時間!
研究指出朝早做運動可以有效改善睡眠質素,
相反夜晚先做運動嘅話,
腎上腺素分泌則會令人更難以入睡
研究亦指出朝早做20分鐘運動可以令人喺其後幾個鐘心情更好,
做野都有效率啲,而且更加有能量迎接全日嘅挑戰
醒唔醒神就靠晒提供俾腦部嘅氧氣,
一朝早做運動促進氧氣輸送,效果仲好過飲咖啡
更重要嘅係,一朝做完運動後,
好多人心理上都為咗唔想前功盡廢而喺整日
其餘時間都會食得健康啲,
日積月累get fit嘅效果就更加顯著
如果覺得平時好難去逼到自己辛苦咗一日之後做運動,
不妨嘗試吓賴少一陣牀,
早20-30分鐘起身,
做完運動先返工返學啦!
|